CEBU CITY-Epektibo na karong mga orasa ang executive order nga gi-pagawas ni Cebu Governor Gwendolyn Garcia alang sa mga estudyante og sa mga edaran nga anaa sa 65 anyos pataas nga magpuyo lang una sa balay taliwala sa hulga sa coronavirus disease (COVID-19).
Hinuon una na nga gibutyag sa gobernadora nga exempted sa maong kamanduan ang mga indibidwal nga mo-adto sa mga health facilties o mopalit og mga tambal sa drug stores pina-agi sa pagpakita og ID o certificate of residence sa otoridad kung adunay importanteng transaksiyon sa gawas.
Gimanduan na karon sa gobernador ang mga sakop sa kapulisan ug kasundaluhan nga sitahon ang kinsang makalapas sa maong kamanduan.
‘Pagpondo sa Balay’
Gimando usab ni Cebu City Mayor Edgardo Labella karong adlawa ang pagpondo sa balay aron malikayan ang pagkuyanap sa coronavirus disease sa Sugbo.
Partikular nga gitumbok sa maong kamanduan ang mga senior citizens og mga menor de edad.
Hinuon walay labot niini ang mga government officials nga otorisado, mga elected public officials ingon man mga trabahante sa departamento sa panglawas, hospital ingon man ang mga indibidwal nga gipaubos og mopaubos sa medikasyon apan magpresentar kini og balido nga identification cards.
Gipasabot sa opisyal nga gimugna ang maong kamanduan alang sa mga dali mataptan sa makamatay’ng coronavirus disease.
