CEBU CITY — Gipahibalo ni Lapu-Lapu City Mayor Junard Ahong Chan nga mi-arang arang na ang kahimang sa pasyente nga nagpositibo sa COVID-19 nga nagpuyo sa iyang dakbayan.
Kung diin upat na ang natala nga kaso nga dakbayan kung diin usa niini ang laboratory negative ug wala usab natala nga patay.
Sigon ni Chan sa dihang nahinabi sa Bombo Radyo Cebu nga ang naasoy nga pasyente ang naglisod og ginhawa ug gi-ubo usab.
Subay niini, gitino ni Chan nga uyon man siya nga panganlan ang nagpositibo apan boot pa matud pa niini nga i-inplace ang lugar kung diin e-edukar usa ang katawhan aron nga dili magpanic ug aron nga makontrol ug macontain ang virus ayha nila hinganlan.
Samtang padayon nila karon nga gipahigayon ang contact tracing.
Nasayran nga gilugwayan usab ang enhanced community quarantine sa dakbayan ngadto sa Abril 28 ug paninguhaon matud pa sa mayor nga mahimong COVID free ang dakbayan ayha pa gyud kini mabalik sa normal nga sitwasyon.
