Eksperto: ‘Flattening the curve’ sa COVID-19 cases sa PH, posibleng masinati karong Mayo

CEBU CITY — Napanglantawan ni Dr. Rene Josef Bullecer nga kung magpadayon na ang covid mass testing sa nasud, posibleng mu peak na sa katapusang semana sa Abril ang nasud ug mu-curve down na kini buwan sa Mayo.

Nagkanayon si Bullecer nga basi sa iyang panglantaw kining bago nga nagpositibo posible nga 5 ka adlaw na kini silang carrier sa virus ug posibling padulong na kini nga manga-ayo.

Gipasabot niini nga aduna usab kini positive outcome gumikan kay mamahimo nga makuhaan kini silang mga nangaayo og anti bodies nga pwede nga mapasa sa mga nagrabehan sa COVID-19.

Sugyot sa doktor nga basta dili lang gyud manggawas ug sundon ang gusto sa gobyerno dili na malugwayan pa ang enhanced community quarantine.