Direkta nga nanawagan si World Health Organization (WHO) Director-General Tedros Adhanom Ghebreyesus sa mga residente sa Tenerife nga magpabiling kalmado human sa pag-abot sa cruise ship nga MV Hondius nga naay kaso sa hantavirus.
Sa iyang pahayag, giingon ni Tedros nga dili angay itandi ang sitwasyon sa COVID-19 pandemic tungod kay ubos pa ang risgo sa hantavirus sa publiko.
Giangkon niya nga ang Andes strain sa hantavirus grabe na human sa kamatayon sa tulo ka pasahero, apan gipasalig niya nga walay bisan usa sa mga pasahero sa barko ang nagpakita og mga sintomas.
Dugang pa niini, adunay estrikto nga contingency plan ang Spain alang sa pagbakwit sa mga pasahero, diin sila dad-on sa industrial port sa Granadilla ug dayon ibalik sa ilang tagsatagsa ka nasud nga walay kontak sa publiko.
Nagpasalamat usab si Tedros sa Spain ug sa mga residente sa Tenerife tungod sa ilang kooperasyon ug pag-abiabi sa maong operasyon isip kabahin sa international cooperation.
Miingon usab ang WHO chief nga personal siyang miadto sa Tenerife aron bantayan ang operasyon ug ipadayag ang iyang pagdayeg sa kalma ug panaghiusa nga gipakita sa mga awtoridad ug komunidad.
