-- ADVERTISEMENT --
Nisaka na ngadto sa kapin 900 ang mga gidudahang kaso sa Ebola sa Democratic Republic of Congo, sumala ni World Health Organization (WHO) Director-General Tedros Adhanom Ghebreyesus.
Kini nahitabo taliwala sa gipakusog nga pagpaniid sa nasud.
Sumala sa hepe sa WHO, gikan sa kapin 900 ka gidudahang kaso, 101 ang kumpirmadong kaso.
Sa usa ka report karong hinapos sa semana, gikumpirmar sa DR Congo health ministry nga adunay 204 ang namatay tungod sa viral disease nga natala sa tulo ka probinsya sa central African country.
Mahinumduman nga niadtong Mayo 15, gideklarar sa WHO ang Ebola outbreak nga gipahinabo sa Bundibugyo strain sa Congo, nga sa pagkakaron wala pay aprubado nga bakuna o tambal.
-- ADVERTISEMENT --
