Ihap sa mga indibidwal nga makasulod sa border sa lalawigan, limitahan — Gov. Gwen

CEBU CITY — Nakakab-ot og disisyon ang mga mayor og ubang opisyal sa probinsiya sa Sugbo nga limitahan ang ihap sa mga indibidwal nga exempted sa gi-limitahan nga makasulod sa border sa lalawigan isip kabahin sa preventive measure batok sa coronavirus disease 2019.

Sa gipahigayong emergency meeting sa mga mayor og provincial board members sa pagpangu ni Cebu Provincial Governor Gwendolyn Garcia nasabutan nga mas pahugtan ang mga mosulod og gawas sa probinsiya aron mapugngan pa ang pagkatap sa coronavirus.

Subay niini, lakip sa giduso nga suhestiyon nga hatagan sa mga negosyante og mga nanag-iya sa establisyemento og kapuy-an ang mga trabahante nga nagpuyo gawas sa dakbayan kinsa padayon nga lakip sa naglangkob sa essential services.