CEBU CITY — Nadugangan og 30 ka mga bag-ong kaso sa coronavirus disease o COVID-19 sa tibuok lalawigan sa Sugbo sa nakalabay nga adlaw.
Sa report gikan sa Cebu City Health Department, anaa na sa 1,417 ang natakdan sa coronavirus sa dakbayan sa Sugbo human nga nadugangan og 29 ka mga bag-ong kaso.
Nagagikan ang mga bag-ong kaso sa Tejero, Mambaling, Lahug, Suba, ug Capitol Site.
Samtang nadugangan og laing usa ka kaso sa COVID-19 sa lalawigan sa Sugbo diin nagagikan kini sa dakbayan sa Talisay.
Tungod niini anaa na sa 35 ang ihap sa mga confirmed cases sa COVID-19 sa Cebu Province.
Samtang nagpabilin sa 93 ang kaso sa Mandaue City ug 41 sa Lapu-Lapu City human nga walay nadugangang bag-ong kaso sa nahisgutang mga lugar.
Anaa na sa 1,586 ang total confirmed cases sa COVID-19 sa tibuok isla sa Cebu, base na sa datos gikan sa DOH ug sa mga local health authorities.
