RUSSIA — Padayon gihapon nga naka kuha og attention sa online world ang mga empleyado sa restaurant sa Moscow, Russia human nga nagpost og hulagway nga “naked” o wa’y sapot.
Kabahin ang maong kampanya sa pagpa-abot sa ilang yango-ngo ngadto sa gobyerno alang sa pag-abli na sa mga kan-anan og ubang restaurants and cafes nga temporaryong gipa-sira gumikan sa coronavirus disease 2019 pandemic.
Base sa hulagway nga gipost, wa’y sapot ang maong mga empleyado apan adunay plato ug ubang kitchen utensils nga nakatabon sa ubang pribadong bahin sa mga lawas niini.
Lakip ang ekonomiya sa Russia nga nakasinati sa epekto sa coronavirus human nga pila sa mga negosyo ang temporaryo nga gipahunong lakip na ang operation sa mga restaurants og cafes.
Adunay nakadayeg sa maong lakang samtang ang ubang netizens nagpabiling neutral sa gihimo sa maong mga empleyado samtang ang uban nasayran nga wa maka-uyon. (Bombo Glenda Sabenorio)
