-- ADVERTISEMENT --
CEBU CITY — Dili angayan nga hikalimtan inay hatagan ug importansya ang Agosto 21 isip Ninoy Aquino Day.
Gibutyag ni Atty. Democrito Barcenas, usa ka human rights lawyer, nga hilabihan ka importante kining adlawa diin gihandom ang mga sakripisyo ug mabayanihong buhat ni kanhi Senator Ninoy Aquino arun nga makab-ot ang demokrasya sa Pilipinas.
Matud pa ni Atty. Barcenas nga gihalad sa kanhi senador ang kinabuhi niini, gi-ula ang kaugalingon nga dugo arun nga makagawas ang mga Pilipino sa mga kamot sa diktador nga si kanhi Presidente Ferdinand Marcos.
Gihimug-atan niini nga gumikan sa kamatayon ni Ninoy hayan nabatonan sa mga Pilipino ang kaisog diin mi-alsa batok sa rehimeng Marcos nga dugay nang nagpriso sa demokrasya sa nasud. /SBR
