CEBU CITY — Nagpadayon ang imbestigasyon sa Bureau of Fire Protection- Moalboal Fire Station sa niulbo nga sunog gahapon sa kadlawon sa Barangay Walog Balabagon, Moalboal diin upat ka indibidwal ang namatay.
Giila ni First Officer (FO1) Donberlette Toreda sa Moalboal Fire Station ang pamilya nga nakabsan sa kinabuhi nga silang Jonathan Mansuela (ang amahan) 38-anyos; Rose Mansuela (inahan) 38-anyos ug ang mga anak nga silang Jethro ug Dyren.
Nag-inusara lang nga survivor sa maong sunog si Jove John Mansuela kinsa nag-inusarang natulog sa iyang kwarto ug nahimo niining makalingkawas sa dihang ni-ulbo ang kayo.
Segon sa inisyal na imbestigasyon sa mga bombero sa Moalboal Fire Station nga ginama sa light materials ang panimalay sa maong pamilya apan konkreto kini nga gitukod hinungdan nga maingong partially lang kini nga nasunog.
Natulog matod pa ang pamilya sa dihang niulbo ang kayo.
Padayon pa nga gisuta sa kabomberuhan ang hinungdan sa pag-ulbo sa kayo diin gibana-banaang mokabat sa P15,000 ang danyos niini.
Daling gilubong sa sam-ang ang mga patay’ng lawas human sa nahitabong sunog. /GBS/GN
