CEBU CITY — Giawhag sa LTFRB 7 ang mga pasahero nga kuha-an ug hulagway ingon man plate number ang mga bus nga wala musunod sa minimum health protocols.
Matud ni LTFRB 7 Regional Director Eduardo Montealto nga nagkuwang ang ilahang ahensya ug personnel hinungdan nga dili gayud nila madala ug bantay ang mga draybe ug konduktor nga malapason.
Sigon pa nga importante nga himuon nga responsibilidad sa tanan ang pagbantay batok sa mga malapason arun nga kalikayan usab ang pagkatap sa coronavirus disease 2019 (COVID-19).
Gipahibalo ni Montealto nga daghan na kini sila ug nasilotan nga mga malapason sa health protocol ug kini gikan usab sa sumbong sa mga ‘concerned citizens’.
Gitataw sa LTFRB official nga ang pakigbatok sa COVID-19 ang responsibilidad sa tanan hayan gikinahanglan ang pakig-alayon sa katawhan ngadto sa gobyerno.
Nagkanayon si Montealto nga gitugutan na ang public transportation hayan dili usab kini angayan nga abusaran arun nga dili mabalik sa uno nga magproblema na unya sa transportasyon ug wala na’y kita usab ang mga drivers ug operators.
