CEBU CITY — Gipangita sa PNP ug PDEA-7 ang nagbantay sa mga plantasyon sa marijuana human gilarot sa mga sakop niini ang kapin P8-million nga balor sa marijuana plants atol sa operasyon sa Sitio Udlom, Brgy. Cabasiangan Balamban, Cebu.
Sa gipahigayong operasyon kagahapon, giila ang gituohang cultivator nga si Jhonrick Coca, kinsang nag-atiman sa duha ka tamnanan sa marijuana sa nahisgutang lugar.
Base sa nakuhang kasayuran gikan sa PDEA-7, daling miikyas ang high-value-target nga si Coca human masigpatan sa mga operatiba.
Gilarot ug gisunog sa mga tinugyanan sa balaud ang kapin 21,000 ka mga fully-grown marijuana stalks ug mikabat kini og P8.4-million.
Kung madakapan ang cultivator, mag-atubang kini og kasong kalapasan sa Section 16, Article II sa Comprehensive Dangerous Drugs Act (RA 9165). /report by Bombo Benjie Tanghiyan/gn
