CEBU CITY — Narekober ang upat ka mga patay nga lawas nga nakubkuban sa Sitio Bago, Brgy. Cogon, lungsod sa Compostela kagahapon sa buntag.
Matud pa ni PCpl. Rolan Alo, desk officer sa Compostela Police Station nga padayun ang ila sa mga kapulisan sa mga nakabkaban nga mga patayng lawas sa maong area.
Sa paghulagway sa kapulisan sa upat ka mga patayng lawas, tulo niini ang na-ilhan pa nga mga lalaki ug ang nahabilin kay dili na mailhan gumikan kay bukog nalang sa ulo ang nakit-an ug gipangita pa ang lawas niini.
Ang mosunod kay mga deskripsyon nga nakita sa mga kapulisan sa mga patayng lawas: (Una)-unidentified male white complexion 1.66m with fish tatoo on his right hand; (Ikaduha)-unidentified male 1.63 m stage of decomposition; (Ikatulo)-unidentified male 1.52 m stage of decomposition; ug (Ika-upat)-unidentified person with skeletal remains.
Sigon pa ni PCpl. Alo nga usa ka concerned citizen nga nagpa-ila nga si Jimmy Sergas ang nangita og tanom nga bonsai sa naasoy nga lugar diin nakamatikod kini ng nga adunay kadudahan sa yuta.
Daling nagpatabang sa Barangay si Sergas hinungdan nga nasuta nga humok kaayo ang yuta ug sa dihan adunay gitusok niini, ni-alingasaw ang baho hinungdan nga mitawag sa mga kapulisan ang baranggay.
Sa pagresponde sa mga kapulisan, ila kining gi-kabkaban ang maong yuta ug nasuta nga adunay usa ka patayng lawas nga anaa na sa stage of decomposition o nagsugod nag kalata ang ilang narecover.
Sa dili pa layo, sa susamang lugar, adunay usa ka patayng lawas napud ang narekober sa gilay-on lamang na 5meters, ug sunod2 na pud na recover ang duha ka patayng lawas.
Sa paghulagway sa maong lugar usa kini ka libunan diin kung magabii, ngitngit kaayo ang maong lugar.
Matud pa ni PCpl. Alo nga padayun pang gisuta sa ilang habig kung unsay nahitabo ug ang hinungdan sa maong krimen.
Kasamtangan anaa na karon sa punerarya ang mga patayng lawas. /report by Bombo Joann Gantalao/ekp/gn
