CEBU CITY – Patay ang usa ka commanding officer sa New People’s Army (NPA) Regional Operations Command, human nga misukol kini sa gipahigayon nga operasyon sa kapulisan sa bukirang barangay Pung-ol, Sibugay sa dakbayan sa Sugbo Oktubre 11, 2020 .
Giila ang maong napatay nga si Dennis Rodinas, 42 anyos, ug nagpuyo sa Barangay Pung-ol, Sibugay, bukiran nga bahin sa dakbayan sa Sugbo, apan lumad kini nga taga Mindanao.
Basi sa report gikan sa mga otoridad, giingong usa ka buwan nila nga gipanid-an si Rodinas human nga milusot ang lima ka warrant of arrest batok niini.
Giingong ang maong mga arrest warrant ang gilangkoban sa duha ka kasong murder, duha sa robbery and theft, ingon man ang pag-ikyas niini sa prisohan sa Mindanao sa dihang giluwas sa mga kaubanan sa NPA ug gikamatay sa upat ka BJMP personnel.
Sa dihang gi-serve ang maong mga arrest warrant, giingong misukol si Rodinas hinungdan nga mi-return fire ang kapulisan.
Samtang, nasikop usab sa maong operasyon, si Gerline Mercado, 41 anyos, kapuyo sa naasoy nga NPA member, ug usa usab ka liason officer sa maong walhong grupo.
Si Mercado ang nagtingkagol karun sa Camp Sotero Cabahug, sa may Gorordo Avenue ning dakbayan, samtang gihikay ang kaso nga ipasaka batok usab niini. // EKP
