CEBU – Giklaro ni Talamban Police Station Chief PCapt. Jonathan Taneo nga gihuwat niini ang autopsy report sa narekober nga usa ka patay’ng lawas sa babaye nga gituho-ang gitagod-tagod ug posibleng gilabay sa usa ka sapa sa Sitio Kalubihan, Brgy. Talamban, dakbayan sa Sugbo.
Matud pa ni Capt. Taneo nga pakyas ang iyang mga tawo nga makarekober sa laing pang parte sa lawas human gisubay sa otoridad ang sapa sa pagtuo nga gi-anod kini.
Subay sa paghulagway sa opisyal nga nadiskubrehan sa mga residente sa dapit ang moang patay’ng lawas nga putol ang ulo, kamut ug braso, ingon man paa ug tiil.
Segon pa ni Taneo nga nahibulong ang mga residente kung nganung lahi ang baho nga ni-alisngaw sa nagtipun-og nga basura sa sapa. Sa ilang pagsusi, nasuta ang putol nga lawas nga niburot ug padulong na sa “State of Decomposition”.
Samtang gi-asoy usab sa mga residente nga posibleng babaye ang maong biktima gumikan sa mga ilhanan niini. Dali kining gi-recover sa mga taga Scene of the Crime Operatives (SOCO) ug gi- autopsy.
Gihimug-atan ni Taneo nga naglisud kini sa pagkuha sa identity sa patay’ng lawas diin usa sa gilantaw nga anggulo ang posibilidad nga daghang mga indibidwal ang nagpaluyo sa maong krimen.
