CEBU CITY — Napurnada ang ‘ka-happy’ sa birthday nga gi-selebrar kagahapon sa hapon Sitio San Juan Brgy. Sambag 2 ning dakbayan sa Sugbo human ni-ulbo ang sunog sa panimalay kung asa giselebrar ang maong party.
Sumala pa sa Cebu City Fire Department, gikan sa usa sa mga kabanay sa tag-iya sa balay nga taud-taud na matod pa nga walay tawo ang maong balay ug gahapon lang subling nablihan sanglit didto gihimo ang naasoy’ng selebrasyon.
Sa pagsubay sa kabomberuhan, ‘short circuit’ ang usa sa gilantaw nga hinungdan sa sunog diin dali ra usab kini nga na-kontrolar.
Naka-angkon ug partial nga danyos ang maong panimalay nga gibana-banaang mokabat sa P50,000.
Padayon pa nga gi-imbestigaran sa kabomberuhan ang maong panghitabo.
Hinuon, walay natala nga naangol sa maong insidente.
