CEBU CITY – I-mandatory sa Vietnam ang tanang mga national athletes ug coaches nga mosalmot sa ika-31st Southeast Asian Games sa Hanoi, Vietnam karon tuiga nga magpabakuna una batok sa COVID-19.
Sumala pa kini sa Vietnamese organization nga ilang ipatuman ang “no vaccine, no participation” policy.
Butang nga gikumpirma kini ni Philippine Olympic Committee (POC) President Abraham “Bambol” Tolentino human sa pagsalmot niini sa SEA Games Federation meeting nga gipangulohan sa Vietnam SEA Games Organizing Committee.
Gisiguro sa mga organizers nga madayun ang SEA Games sa November 21 hangtud na sa December 2 bisan paman sa pandemya.
Butang nga nipadala na og suwat ang POC sa Inter-Agency Taskforce arun i-lakip ang mga atleta sa mga prayoridad sa vaccination program.
Ang Pilipinas ang nahimong kampeon sa SEA Games niadtung 2019 diin plano niini nga magpadala og 600 ka mga atleta.// BRA, BEP
