CEBU – Natandog ug nahingangha ang daghang netizens sa 3 anyos nga batang babaye tungod sa paghilak niini dihang gisultihan sa iyang yaya nga “patay na” si Papa Jesus.
Sa usa ka taho, makita nga naghilak sa kaguol si Margot dihang nitug-an nga “patay” si Hesus.
Matod sa mga ginikanan ni Margot, ilang gitudloan ang ilang anak nga magpasalamat kang Papa Jesus sa mga grasya nga ilang nadawat.
Tino pa sa inahan sa bata, nga matag gabie kini mag-ampo, magpasalamat, mangayo og pasalamat ug ilang ika-estorya ang Labawng Makagagahum.
Gituohan nga natingala ang bata og nganong kalit lang namatay si Papa Jesus bisan kada adlaw kini nilang kuyog sa pag-ampo.
Nakakita og paagi ang mga ginikanan sa bata nga mapasabot ang kamatayon ug pagkabanhaw ni Jesu-Kristo.
Diin tataw pa sa amahan ngadto sa iyahang 3-anyos nga anak nga dugay nang namatay si Jesus apan sa kadugayan nabanhaw kini pag-usab, ug nagpuyo kini hangtod sa hangtod sa kasing-kasing sa matag usa ka tawo.
Mao nga sa dihang gipangutana karon si Margot kung asa si Papa Jesus, ang iyang tubag mao: Sa kasingkasing sa pamilya.
