CEBU – Nipagawas og bag-ong datos ang Philippines Statistic Authority (PSA) kabahin sa labing uwahing porsyento sa mga Pilipino nga unemployed sa kasamtangan diin moabot kini sa 6.4% o mokabat sa 3.13 million sa mga indibidwal.
Apan, gibutyag ni Denis Derige, ang tigpamaba sa Partidong Manggawa, nga tentative o conservative pa ang among ihap gumikan dako pa ang posibilidad nga mausab kini tungod gibuwag sa PSA ang unemployed ngadto sa mga indbidwal nga wala na nangita og trabaho o nisurrender na sa pagpangita og trabaho.
Hinungdan, nga dako pa ang mahimong kausaban sa 6.4% nga ilahang nakuhang datos.
Gibutyag usab ni Derige nga mao kini ang tinuod nga kahimtang sa ekonomiya sa nasod gumikan dili man kita industrialized ug nagsalig lang kita sa soft economoy ug dili sa hard economy hinungdan nga problema gayud ang job generation.
Sugyot niini nga mas maayo nga adunay long term nga tubag sa maong problema nga mao ang industrialization samtang short term mao ang public employment program sagobyerno ilabi na karong panahon sa pandemya diin daghan pa ang sirado ug wala pa makabangon sa ilahang tagsa-tagsa ka negosyo.
Tataw niini, nga kinahanglang adunay comprehensive public employement program ang sunod nga administrasyon ilabi na sa badly affected regions sa covid-19.
Kinahanglan nga ang gobyerno mismo ang number one employer bisan paman nga mga temporary employment program alang sa mga displace workers.
Angay usab suportaran sa gobyerno ang micro, small and medium enterprise pinaagi sa loan packages o subsidies aron makatabang nga makabangon ang maong enterprises gikan sa nagkadaiyang katalagman.
