Ihap sa mga mga unemployed sa nasud miabot sa 2.86 milyon — PSA

Nakita ang gamay nga pagsaka sa gidaghanon sa mga walay trabaho sa nasud niadtong Setyembre, sumala sa datos nga gipagawas sa Philippine Statistics Authority (PSA) karung adlawa Biyernes, Nobyembre 6.

Base sa pinakabag-ong datos, misaka ngadto sa 5.4 porsyento ang unemployment rate sa Septyembre, nga katumbas sa 2.86 ka milyon ka mga Pilipino nga walay trabaho.

Mas taas kini kon itandi sa 5.3 porsyento nga natala niadtong Agosto, o anaa sa 2.77 ka milyon ka mga walay trabaho.

Samtang, gamay usab nga pagkunhod ang natala sa underemployment rate sa maong bulan, diin miubos kini ngadto sa 11 porsyento o katumbas sa 5.56 ka milyon ka mga Pilipino, gikan sa 11.9 porsyento niadtong Agosto.