CEBU – Kinahanglang i-upgrade sa mga trabahante ang ilang mga digital skills aron magpabiling competitive sa bisan unsa pa ang ilang gipili nga mga karera samtang nang-hire ang mga kompanya og digital roles o position.
Matod sa online recruitment portal nga Jobstreet Philippines, ang mga aplikante nga adunay digital skills adunay bentaha samtang mo-shift o mobalhin ang mga employers sa usa ka hybrid work set-up.
Dugang pa niini, base na sa Decoding Global Talent report sa Jobstreet, ang digital roles mao ang nag-unang target alang sa 77% sa mga Pilipino nga andam nga magbansay pag-usab alang sa bag-ong mga trabaho.
Gipaambit sa Jobstreet ang mga tip sa pag-upgrade sa digital skillset sa usa ka tawo sama sa research in-demand skills, self-study ug online learning, master tools for hybrid work ug flexibility ug resiliency.
Kini gumikan na usab nga dala sa Covid-19 pandemic ang paspas nga pagpahiangay sa digital technology alang sa mga trabahante ug negosyo.
Napamatud-an usab niini nga ang remote work set-up ug hybrid work mahimong mapuslanon alang sa mga amo ug empleyado.
