CEBU – Kritikal ang kahimtang sa usa ka pulis human gi-ambush sa Barangay Mabolo, dakbayan sa Sugbo,Domingo sa gabii, Mayo 1, 2022.
Nagmaneho og pickup truck uban sa iyang asawa ug police escort si Leutenant Colonel Chuck Barandog, kanhi hepe sa Cebu City Mobile Force Company ug kasamtangang nadestino sa Philippine National Police headquarters sa Camp Crame dihang giatangan sa duha ka lalaki nga sakay sa usa ka motorsiklo.
Matud pa ni Police Lieutenant Colonel Maria Theresa Macatangay, information officer of the Cebu City Police Office (CCPO),nga nakaangkon og 11 ka samad-pinusilan,si Barandog, samtang naka-angkun ug usa ka samad-pinusilan sa buko-buko ang iyang asawa nga si Yvonne ,nga kanhi barangay kapitan ug administrator sa Cebu City Medical Center nga karon maoy unang nominee sa STL party-list.
Wala maunsa ang ilang police escort nga si Staff Sergeant Estipen Padillo kinsa naglingkod sa luyong bahin sa sakyanan.
Daling gidala sa Perpetual Succor Hospital si Barandog ug iyang asawa aron matambalan.
Sa kasamtangan padayon pa ang dugang imbestigasyon ug pursuit operation batok sa mga mamumuno.
