Ika-6 nga distrito sa probinsiya sa Sugbo mahimong catalyst for growth sa umaabot

CEBU – Dako ang pasalamat ni Glenn Soco, kinsa subling napili isip board member sa 6th district, sa iyahang mga supporters sa padayong pagsalig ug pagsuporta sa iyahang serbisyo.

Subay niini, gibutyag ni Soco nga padayonon gihapon niini ang ilahang tinguha nga mas palamboon pa ang ika-unom sa dsitrito sa probinsya sa Sugbo.

Alang sa board member, dako kaayo ang kaugmaon nga naghuwat sa naasoyng distrito diin kadaghanan karon sa mga igtutukod nga mga imprastraktura nahimutang sa 6th district.

Tino pa ni Soco, nga puhon paaboton mamahimong catalyst for growth ang ika-6 nga distrito sa tibuok probinsiya sa Sugbo.

Giklaro usab niini nga wala lang kini maglantaw sa kalamboan sa ilahang distrito apan lakip na usab ang kalamboan sa tibuok probinsya.