CEBU – Malipayon gipahibawo ni Police Leutenant Colonel Randy T Caballes, ang hepe sa Talisay City Police, nga maayo ra ang nahimong piniliay sa dakbayan sa Talisay diin wala ra kiniy natalang election related violence incidents sa mismong adlaw sa election.
Matod ni Caballes nga hapsay rang nakabotar sa ilahang tagsa-tagsa ka mga presinto ang mga botante ingon man nakapili sa ilahang nauyonang kandidato.
Nibutyag usab kini nga sa miaging gabie adunay gipahigayon nga prayer vigil atubang sa Talisay City Hall ang kampo ni Vice Mayor Alan Bucao aron pagkondenar sa resulta sa eleksyon.
Apan giklaro man hinuon ni Caballes nga dili kini usa ka bayolenteng kalihokan tungod igo lang nagpahigayon og pag-ampo, candle lighting og malinawong nibiya ang maong kampo.
Hangyo nalang niini ds publiko nga ipabilin ang kalinaw sa dakbayan ingon man nga dawaton ang nahimong resulta sa eleksyon.
