CEBU – Usa ka lalaki ang napalgang patay nga naglutaw duol sa Moalong Bridge sa lungsod sa Loon, Bohol, adlawng Sabado, Mayo 14, 2022.
Wala pa’y mga detalye kung unsa ang hinungdan o giunsa ang pagkamatay sa patayng lawas duol sa taytayan gumikan gisusi pa sa kapolisan ang maong sitwasyon.
Nagkanayon ang kapulisan sa Loon nga nanawag ang mga residente sa mga awtoridad alas 8 sa buntag human makita ang lawas nga naglutaw ilawom sa taytayan.
Gihulagway sa mirespondeng mga pulis ang biktima anaa sa 20 ngadto sa 27 anyos ang pangidaron, 5’5” ang gitas-on, ug medium body.
Dugang sa kapulisan, nga nagsul-ob ang biktima og mototrcycle helmet nga kolor pula.
Walay usa sa mga residente sa dapit ang nakaila sa biktima.
Gidala na hinuon sa punerarya ang naasoyng patayng lawas.
