CEBU – Gibutyag ni Lieutenant Junior Grade (LTJG) Krysta Mananquil, tigpamaba sa Philippine Coast Guard-Cebu Station, nga hugot nga susihon sa ilahang mga inspector ang mga nagkadaiyang sea vessel una kini mularga.
Matud ni Mananquil nga aduna sila’y gitawag nga pre-departure inspection kung diin mismong sakop sa PCG ang mupahigayon niini.
Sigon pa, susihon sa inspector kung qualified officers ba ang nag-manned sa usa ka vessel, kung aduna ba’y communication equipments, life-saving appliances, ug fire safety equipments, ingon man ang pagsusi sa mga ‘necessary documents’, susama na lang sa masters declaration of safe departure.
Lakip na usab nga susihon mao ang engine sa barko.
Samtang, gipasabot usab ni Mananquil nga aduna’y head count nga ipahigayon basi na sa gideklarar sa passenger manifest ug sa masters declaration of safe departure, hayan dili gayud mahitabo ang overloading.
