CEBU – Gihulagway ni Jaime Paglinawan, ang chairman sa Bayan Muna Central Visayas, nga palpak ang gobyerno sa hisgutanan sa sagunson nga pagsaka sa presyo sa lana.
Matud ni Paglinawan nga nagpakita lang kini sa wala’y pagtubag sa gobyerno sa pagtangtang sa Oil Deregulation Law, diin ang mga dagkong kompanya na sa lana ang nagkontrolar sa presyo niini.
Dugang pa niini nga dako gayud ang ilahang pagsupak sa dagkong pagsaka sa presyo sa lana kung diin aduna kini ‘domino effect’ ngadto sa presyo sa mga palaliton, ingon man ang pletehan, apan hilabihan ka gamay ang pagsaka sa minimum nga suholan sa mga mamumuo.
Gipahibalo ni Paglinawan nga aduna sila’y mga umaabot nga lihok protesta kung diin demanda nila ang hinanali nga pagsuspenso sa taas nga buhis sa lana pinaagi sa excise tax ilawom sa TRAIN Law.
