Gimandoan sa gobyerno sa Pilipinas ang Meta Platforms Inc. nga hugtan ang pagpugong sa pagkaylap sa fake news ug makapahisalaag nga content sa mga plataporma niini, samtang nagpasidaan sa posible nga legal nga aksyon kung dili kini molihok.
Sa usa ka sulat nga gipadala niadtong Abril 10 ngadto kang CEO Mark Zuckerberg, ang Department of Information and Communications Technology (DICT) ug ang Presidential Communications Office (PCO) miinsistir nga ang disinformation nakalapas sa balaod ug naghulga sa langyaw nga mga kalihokan, ekonomiya, ug nasudnong seguridad.
Gipahinumdoman ang Meta nga kumpirmahon ang pagdawat sa sulat sulod sa 48 oras ug magsumite og detalyado nga plano sulod sa pito ka adlaw alang sa pagpatuman sa mga lakang batok sa disinformation.
Kung mapakyas kini, gipasidan-an sa posible nga regulasyon ug legal nga aksyon nga himuoan sa gobyerno.
Lakip sa giingong mga problema mao ang pagkaylap sa sayop nga impormasyon bahin sa panglawas sa mga opisyal, presyo sa gasolina, ug mga institusyon sa panalapi.
Giduso usab sa gobyerno ang mas estrikto nga sistema sa Meta aron dali nga matangtang ang delikadong content ug mas lig-on nga koordinasyon sa mga ahensya sa estado aron mapugngan ang pagkaylap sa sayop nga impormasyon.
