CEBU – Usa ka talagsaon ngapanimay apan mahigalaon sa kinaiyahan ang makit-an sa Cebu.
Liboan ka recycled bottles ug mga lata sa mineral nga tubig ug softdrinks ang gigamit sa mga bungbong, pultahan, atop, ug bisan sa sulod nga dekorasyon sa balay.
Niadtong Mayo 31, 2022, gipa-ambit ni Eric Itaas Colminas ang hulagway sa balay sa iyang Facebook account.
Gikatahong gi-imbitar si Eric sa iyang higala nga taga Brgy. Villahermosa, Pilar, Isla sa Camotes gumikan kay pista man.
Apan nahingangha si Eric pagkakita sa liboan ka mga recycled plastic bottes ug softdrink nga gipapilit sa nagkadaiyang bahin sa balay isip dekorasyon.
Giila ang tag-iya sa maong panimalay nga si Glenda Maaghop ug nasayran nga nagsugod sila sa proyekto sa balay niadtong 2021 ug nigamit og 2,500 ka materyales.
