Cebu City Commission on Elections magsugod na sa voters registration karong Hulyo 4

CEBU – Nangandam na ang Cebu City Commission on Elections alang sa pagsugod sa voters registration nga gikatakdang sugdan karong Hulyo 4,2022.

Gibutyag ni North District Election Officer Marchel Sarno nga ipahigayon ang maong kalihokan offsite sa nagkadaiyang mall.

Tugotan na usab nga makaparehistro ang mga kabatan-onang mag-edad og 15 anyos sa Disyembre 5, 2022 alang sa SK elections.

Ang pagbalhin sa rehistrasyon itagana usab sa bag-ong panahon sa pagparehistro hangtod sa Hulyo 23, 2022.