CEBU – Alang sa kababayen-an nga dili mabuntis tungod wala silay matris o ang usa nga wala na sila molihok sa husto, gibutyag sa usa ka bag-ong pagtuon nga ang uterine transplants makatabang kanila nga mahimong inahan.
Sa 33 ka babaye nga nakadawat og uterus transplant sa Estados Unidos tali sa 2016 ug 2021, 19 ang nanganak og 21 ka bata.
Gisaysay ni sa first author sa pagtuon nga si Dr. Liza Johannesson nga base sa kasinatian sa unang lima ka tuig sa uterus transplantation sa U.S., gikonsiderar ang maong paagi nga usa ka clinical reality sa U.S. ug gipresentar isip usa ka option alang sa daghang mga babaye nga adunay pagkabaog tungod sa usa ka uterine factor.
Apan nipasidaan ang labing menos duha ka mga transplant surgeon nga ang mga risgo ug gasto niini nga pamaagi mahimong mas labaw pa sa mga benepisyo niini alang sa pipila ka mga babaye.
Sa pagkakaron, adunay kapin sa 100 ka uterus transplant nga gihimo sa tibuok kalibotan, ug kapin sa un-tersiya ang nahimo sa Estados Unidos.
Bisan pa sa kamatuoran, nga dili sayon ang maong pamaagi.
