CEBU – Nagpadayon pa ang proseso sa ‘bidding’ sa Cebu City Office for Substance Abuse Prevention (COSAP) alang sa ilahang gamiton nga drug testing kit.
Kini ang gitataw ni COSAP head Jonah John Rodriguez, atol na sa pakighinabi sa Bombo News Team.
Subay niini, wala pa sila’y schedule sa drug testing alang sa mga empleyado sa Cebu City Hall ingon man sa mga barangay officials ug mga barangay workers.
Gipahibalo usab ni Rodriguez nga gikan niadtong buwan sa Enero hangtud sa Hunyo ning kasamtangan nga tuig, daghan na sa mga government employees ang natangtang sa trabaho human nga nagpositibo sa gipahigayon nga drug test.
Ang mga empleyado nga gustong makabalik sa ilahang trabaho, gibutyag niini nga gikinahanglan ang certification nga nagpaubos na kini sa rehabilitation program.
