CEBU – Nagpadayon karun ang enrollment sa mga public schools alang sa mga tinun-an sa Grade 7 hangtud sa Grade 12.
Gipahibalo ni Tisa High School Assistant Principal, Arnie Asugue, nga sa ilahang pagsugod niadtong Hulyo 25 hangtud Hulyo 27, mikabat na sa dul-an 800 ka mga bata ang nakapa-enroll na, apan ilahang gilauman nga mas musaka pa ang maong ihap.
Matud ni Asugue sa nakalabay nga School Year 2021-2022 giingong mikabat sa 2,853 enrollees hayan gilauman nila karun ang 3,000 hangtud sa 4,000 ka mga magpa-enroll.
Gisiguro usab niini nga pa-igo lang ang ilahang kapasidad kung hisgutan ang classroom basi sa ilahang ideal class sizes apan kung daghan gayud ang estudyante hayan pangitaan ug pamaagi ang arrangement diin posibli nga shifting ang klasi.
Nagkanayon kini nga bisan ug malapas na ihap ang mga estudyante, giingong ilaha sa gihapon kining dawaton gumikan kay dili man mahimo nga mubalibad sila sa mga bata nga mo eskwela.
