CEBU – Gihimug-atan ni Cebu City Mayor Michael Rama nga ang mga tunghaan ang pinaka-una nga mahimong evacuation center sa katawhan kung ugaling adunay bisan unsa man nga kalamidad ang mu-igo.
Kini samtang padayon ang pakigpulong ug paghangyo sa mayor sa mga pribadong sektor kauban ang DPWH ug DSWD sa pagtukod ug temporary shelter sa South Road Properties (SRP).
Matud ni Mayor Rama nga dili mahimong papahawa-on ang mga evacuees nga nagpasilong sa mga tunghaan.
Subay usab kini sa isyu sa mga nasunogan sa Barangay Punta Princessa nga gikatakda nang papahawa-on sa Punta Princesa Elementary School karung adlaw nga Biyernes tungod sa umaabot nga abli sa klase.
Nagkanayon si Rama nga gikinahanglan ang hinanali nga aksyon alang sa naasoy nga ‘concern’.
