CEBU – Gitataw ni Cordova Mayor Cesar Didoy Suan nga magpadayon gihapon ang libreng tuition fee sa Cordova Public College alang sa umaabot nga school year 2022-2023.
Hinuon sa kasamtangan aduna pay gilihok ang kagamhanan sa lungsod sa Cordova sama sa pagsumiter og Institutional recognition ug ingon man kinahanglan pa nila mosumiter og pangan sa guidance councilor ug presidente sa maong public college.
Malaumon si Mayor Suan nga makompleto na ang pagsumiter nila sa mga rekisitos aron mapadayon na ang maong libreng tuition dili lang sa umaabot nga school year kundi hangtod na sa mosunod nga schoolyear.
Gipasalamatan usab sa mayor ang departamento sa edukasyon sa ginsakupang lungsod tungod sa maayong pag-abi abi niini dihang nibista si Cebu Governor Gwen Garcia sa maong lungsod alang sa Caravan of services sa mga Cordavahanons.
