CEBU – Mohatag og insentibo ang kagamhanan sa probinsiya sa Sugbo alang sa mga municipal ug city assessors and engineering offices nga adunay labing taas nga percentage increase of values sa real property tax sa mga appraised buildings nga nahimutang sa probinsiya sa Sugbo alang sa calendar year 2022.
Samtang, gibaharan ni Cebu Governor Gwen Garcia ang anaa sa bottom 10 nga municipal ug city assessors and engineering offices nga iyaha kining ipatawag aron patubagn sa ilahang kapakyasan.
Nahisubay ang maong lakang sa gobernadora sa laraw nga patas-an pa ang local revenue tax collection efficiency sa Cebu province.
Matod pa ni Garcia nga nahimo mang numero uno ang Cebu Province sa 2022 Locally Surce Revenue apan dismayado kini gumikan ubos man kaayo ang gitakda nga target sa Provincial Treasurer’s Office diin kung buot huna-hunaon nalabwan ang Cebu Province sa mas gagmay pang probinsiya sa nasod.
Nahimo ang pamahayag sa gobernadora atol sa gilusad nga meeting sa Kapitolyo uban ang municipal ug city engineers ug assessors ug uban pang representate sa hingtungdang buhatan sa probinsiya.
