CEBU – Giaprobahan sa konseho sa syudad sa Mandaue ang unang pagbasa sa draft ordinance nga mag-regulate sa pag-apud-apod ug pagpamaligya og mga tambal sa mga sari-sari store ug uban pang susamang outlets human gipangamahanan sa duha ka mga konsehal sa dakbayan.
Gipasabot ni City Councilor ug chairman sa committee on health Nerissa Soon-Ruiz nga ang ordinansahon nagseguro nga dili makapamaligya og over-the-counter sa antibiotics ang sari-sari stores.
Matod ni Soon-Ruiz nga gimandoan sa ordinansahon ang kapulisan sa pagbisita sa mga sari-sari store ug mga tag-iya sa tindahan aron i-report kon unsa nga klase sa mga tambal ang ilang gibaligya.
Kahinumduman nga niadtong Pebrero 17, ni-awhag ang Department of the Interior and Local Government (DILG) sa mga local government unit (LGUs) sa paghimo og mga ordinansa nga nagdili sa pagbaligya sa mga tambal sa mga sari-sari store sa tibuok nasod.
Nahitabo kini human nakadawat ang Food and Drug Administration (FDA) og mga taho nga dili mominus sa 185 ka sari-sari stores ang ilegal nga namaligya og mga tambal, diin siyam niini nga mga tindahan kompirmadong namaligya, lakip na sa Covi-19 medicines.
