CEBU – Giluwatan ni Cebu City Mayor Michael Rama ang Executive Order No. 5 diin dili na obligado ang pagsul-ob ug face mask sulod sa hurisdiksyon sa dakbayan.
Matud ni Mayor Rama nga panahon na arun nga mo ‘shift’ na ang dakbayan sa lain na usab nga lakang ilabi na nga aduna pa’y laing medical concern sama na lang sa dengue, apan dili sa gihapon angayan nga kalimtan ang COVID-19.
Sigon pa, taas na ang ihap sa non-COVID admission sa dakbayan, ingon man nga taas na ang ihap vaccination hinungdan nga dili na angayan nga pugson ang mga tawo nga magsul-ob ug face mask.
Apan, gitino sa mayor nga dili usab pugson ang tawo nga gustong magpadayon sa pagsul-ob sa ilahang face mask.
Gihimug-atan usab ni Rama nga ang gipagawas niini nga EO mahimo man nga maka-adjust sa sitwasyon kung gikinahanglan.
