Binuhing baboy, gisul-oban og facemask aron ma-protektahan batok sa African Swine Fever

Gikalingawan karon sa Social Media ang post sa usa ka netizen human ang binuhi nga baboy giputos ug gibutangan og facemask aron dili maigo sa makamatay nga sakit nga African Swine Fever (ASF).

Nasayran nga dili lamang sa pipila ka lugar sa Negros Occidental ang nakasinati sa maong kaso sa mga binuhi nga baboy ingon man sa kasikbit nga mga lugar, busa ang litrato nagpakita nga dili lamang tawo ang angay hatagan og pagtagad sa panglawas inay lakip usab ang kahayopan.

Ang sakit nga African Swine Fever (ASF) resulta sa usa ka matang sa virus nga dali kaayong makatakod pinaagi sa direktang kontak sa natakdan nga baboy, pagpakaon sa hugaw nga lamaw, ug paggamit sa mga kagamitan nga nakontamina.