CEBU – Mokabat sa P4.8 bilyones ang kita sa lalawigan sa Sugbo gikan sa Enero hangtod sa Agosto ning tuiga.
Kung diin ang datus gikan sa Provincial Treasurer’s Office nagpakita nga nakakolekta na sila og 65.53 porsyento sa ilang target nga kita para sa 2022.
Ang Kapitolyo nagtinguha nga makakuha og gibana-bana nga P7.4 bilyones nga kita karong tuiga, nga mas taas og P2 bilyones sa kanhing target nga P5 bilyones sa 2021.
Matud pa ni Atty.Roy Salubre, Provincial Treasurer, nga masaligon sila nga maabot nila ang ilang target karong tuiga.
Nasayran nga ang bahin sa Sugbo sa Internal Revenue Allotment (IRA) maoy padayong labing dakong tinubdan sa kita, nga anaa sa P3.8 bilyones sugod niadtong Agosto 22.
Sa tunga-tunga sa Enero ug Agosto, nakolekta ang kapitolyo ug mga P259 milyon nga kita sa buhis, nga kadaghanan gikan sa real property, nga gibanabana nga mokabat sa P130 milyon.
Gawas sa buhis, ang Kapitolyo nikita usab og P149 milyones isip dibidendo gikan sa capital o investment receipts, ug P112 milyones gikan sa regulatory fees.
