Plano sa national office nga manghire og dugang magtututdlo, usa ka welcome development

CEBU – Gitawag ni Department of Education Region 7 Director, Dr. Salustiano Jimenez, nga usa ka ‘welcome development’ ang plano sa ilahang national office nga mag-hire ug 10,000 ka mga magtutudlo.

Matud ni Jimenez nga pinaagi sa maong lakang kay madugangan na ang mga magtutudlo ug mahatagan na kini sila ug igong panahon sa pagtudlo, ingon man nga makuha-an na ang mga subjects nga ilahang gihuptan.

Sigon pa, adunay mga magtutudlo nga nanghinobra na ang trabaho hinungdan nga usa ka maayong kalamboan kung mapun-an ang manpower sa departamento.

Hinuon, giangkon ni Dr Jimenez nga kuwang sa gihapon ang maong ihap apan maayo na lang kini alang sa musunod nga school year.