CEBU – Subay sa kadaghang yango-yango kalabot na sa kadaghang buluhaton sa mga magtutudlo, nihimo og lakang ang Department of Education aron mapagaan ang kahago sa mga magtutudlo.
Sa eksklusibong pakighinabi sa Bombo Radyo Cebu kang Dr. Salustiano Jimenez , kinsa maoy regional director sa DepEd-7, gibutyag niini nga gisugdan na sa Central Visayas ang pagpaluag sa trabahuonon sa mga teachers diin lakip niini nga dili na kinahanglan pa nga mohimo ang magtutudlo og lesson plan inay paga-ilisan kini sa prototype lesson plan nga iproduce sa portal sa division office og igo nalang kuhaon sa mga maestra base na sa grade level nga ilahang tudloan.
Gawas niini, gi-emphasize na usab ang matag tunghaan nga maghimo og learning resource center kung diin didto ipamutang o hiposon sa mga agtutudlo ang ilahang mga instructional materials aron sa panahon nga kini gamiton dili na maghimo pa o sayon nalang ang pagpangita sa maong butang.
Gitangtang na usab ang nagkadaiyang corner sa usa ka classroom nga usa sa nagdalag labad sa ulo sa mga magtutudlo gumikan sa kasamtangan mas gikinhanglan ang mas luag o mas dakong espasyo alang sa mga tinun-an.
