CEBU – Nasikop ang usa ka lalaki sa gibuhat nga entrapment and rescue operation sa kapulisan sa Police Station 2,Mandaue City Police Office nga Pinanguluhan ni Police Lieutenant (PLT) Rongy Cidro, Deputy Station Commander kauban ang Womens and Protection Desk Chief PCPL Angie Lepiten ubos sa pagdumala sa ilang hepe nga si PMAJ Romeo D Caacoy Jr inubanan sa taga social worker na si SW03 Fedilina Pesquera mga ala 1:30 sa kadlawon,Octobre 2,2022 sa usa ka Motel nga naa nahimutang sa Mantawi Drive, Subangdako,Mandaue City.
Gihimo sa kapulisan ug social worker ang entrapment/rescue operation sa maong lugar human ang biktima nga usa ka 16 anyos kauban sa iyang guardian ang midangop sa kapulisan sa Police Station 2 ug mireklamo batok sa usa ka lalaki nga nanghagad sa maong menor de edad nga mu check-in sila sa usa ka motel.
Base sa imbestigasyon sa kapulisan nga ang menor de edad nga biktima sa nakalabay nga Septembre 9 niining tuiga nakigkita sa suspetsado ug gidala siya sa usa ka imnanan ug sa dihang nawala ang biktima sa iyang kaugalingon gidala siya sa maong suspect sa usa ka motel ug gipahimuslan ang maong pagpangabuso sa maong suspetsado gikuhaan kini niya ug video diin makita ang malaw-ay nga binuhatan niini ug wa pajud kini matagbaw gipasapasa pa sa maong suspetsado ang maong sex video.
Giila ang suspetsado nga nasikop sulod sa usa ka kwarto sa usa ka motel kauban ang usa ka menor edad mao si Macarlito Miro Culanag,54 anyos,kapitan sa usa ka tugboat nga naa mag ankurahe sa siyudad sa Danao ug nagpuyo sa Canlumacao,Santander,Cebu.
Kasong kalapasan sa RA 7610 kung Child Abuse, RA 8353 (Rape)in relaltion RA 7610 ug RA 10175 ang giandam sa kapulisan sa Police Station 2 batok sa maong suspetsado.
Kasamtangang natingkagol ang suspetsado sa prisohan sa Police Station 2,Mandaue City Police Office.
