CEBU – Naghimo ug Simulation Exercise ang Dakbayan sa Mandaue isip pagpangandam batuk sa mga Tulisan nga posibling motumaw panahon sa holiday season, kung diin gisalmutan kini sa mga sakop sa Scene of the Crime Operatives, Special Weapons and Tactics, City Disaster Risk Reduction Management Office, sa Development Bank of the Philippines sa may Plaridel St. Barangay Umapad.
Kung diin gihimo ang eksena sa pagpanulis ug ang sitwasyon kong adunay bomb threats nga mahitabo.
Nagkanayun si Police Colonel Jeffrey T.Caballes, ang City Director sa Mandaue City Police Station , nga ang maong simulation exercise gitun-an sa otoridad ang mga angayan buhaton sa higayon nga adunay krimen kini aron sa pagsikop sa mga suspetsado.
Gitumong ang pagpahigayon og Simulation Exercise aron mas molig-on pa ang koordinasyon sa kapulisan ug uban ahensya sa otoridad.
Pinaagi sa Simulation Exercise andam ang Mandaue City sa pakigbatuk sa mga dautang elemento nga mohimo og krimen ning panahon sa kapaskohan.
