CEBU – Gibutyag ni Police Regional Office Central Visayas Director Brigadier General Roderick Augustus Alba, nga ang launching sa BIDA program sa Sugbu nagmalampuson ug sugod palang kini sa mas dakong hagit sa kapulisan, apan uban sa supporta sa katawhan makab-ot sa Central Visayas ang mas malinawon nga kumunidad ingun man nga madungagan ang drug free nga mga Barangay.
Ang BIDA program mao ang gibag-o nga programa sa gobyerno batok sa ilegal nga droga nga nagtumong sa pagpataas sa kahibalo ug pagdasig sa partisipasyon sa komunidad sa pagkunhod sa panginahanglan sa droga.
Gitambongan usab ang maong grand launching sa mga opisyal sa DILG pinangulohan ni Usec. Marlo Iringan, local officials, national government agencies, partner NGOs, ug personnel gikan sa PNP, BFP, BJMP, ug PDEA.
Nasayran nga ang paglusad sa Kabisay-an gitapos sa mga nanambong nga nagpirma sa usa ka pahayag sa panaghiusa aron ipahayag ang ilang pasalig sa pagpatuman sa mga katuyoan sa programa sa BIDA sa ilang mga hurisdiksyon.
