CEBU-Gisuportahan sa Police Regional Office VII ang apela ni Interior Secretary Benjamin Abalos Jr. nga mosumiter og courtesy resignation alang sa paglimpyo sa tibuok han-ay sa kapolisan nga apil gihapon sa kampanya sa kagamhanan batok sa ilegal nga drugas.
Kini ang nahimong pamahayag ni Police Regional Office-Central Visayas (PRO 7) Director Brig. Gen. Jerry Bearis, subay sa apela ni Interior Secretary Benjamin Abalos Jr. ngadto sa tanang hingpit nga mga koronel ug heneral nga moluwat sa ilang katungdanan sa tuyo nga malimpyohan ang tibuok han-ay sa kapolisan isip kabahin sa kampanya niini batok sa ilegal nga drugas.
Una niini, mismong ang hepe sa Philippine National Police nga si PGen. Rodolfo Azurin Jr. maoy unang mosumiter sa iyang courtesy resignation.
