Empleyado sa Cebu City Hall makadawat ug P15,000 nga charter day Bunos-Cebu City Mayor Michael Rama

CEBU CITY-Gi-anunsyo ni Cebu City Mayor Michael Rama nga mahinayon gayud ang paghatag ug charter day bonus alang sa mga empleyado sa City Hall karung umaabot nga Pebrero 24, 2023.

Matud sa mayor dili mahimo nga P5,000 o P10,000 lang ang madawat sa mga empleyado hinungdan nga gipaningkamotan sa mga konsehal nga mahatag ang P15,000.

Subay niini, gipasalamatan ni Rama ang mga konsehal sa pagpasar sa budget alang sa naasoy nga bonus sa mga empleyado.

Kahinumdoman nga unang misaad ug P50,000 si Rama nga ihatag sa matag empleyado apan daghang mga department heads ang misupak niini gumikan kay hilabihan kini ka dako ug maglisod sila sa pagpangita ug kuha-an sa maong pondo.