Hugot nga seguridad ang ipatuman sa kapulisan atol sa pagbisita ni Presidente Ferdinand “Bongbong” Marcos sa dakbayan sa Sugbo aron pagtambong sa groundbreaking sa phase 1 sa Cebu Bus Rapid Transit (BRT) project karong Lunes, Pebrero 27 2023.
Matod ni Lieutenant Colonel Janette Rafter, deputy city director for operations sa Cebu City Police Office nga bisan og wa silay kahibalo sa itinerary sa Presidente andam na silang mohatag og seguridad kang Marcos ug sa iyang mga Cabinet secretaries.
Ang Cebu City Government nitawag og coordinating meeting aron pangandaman ang pagbisita sa labing taas nga opisyal sa nasod.
Alerto usab ang kapulisan sa tibuok pagbisita ni Marcos.
Usa sa mga grupo nga ipakatap sa kadalanan mao ang civil management disturbance team sa higayon nga magpahigayon og protesta ang mga bangis nga grupo.
Matud pa ni Rafter nga kinahanglang makakuha og permit ang mga raliyista.
