CEBU CITY-Gikatahong usa ka senior citizen ang namatay atol sa sunog nga miugdaw sa P3.6 milyones nga kantidad sa kabtangan sa Sityo Upper Eyha sa Barangay Guadalupe, dakbayan sa Sugbo, Kagahapon sa buntag, Marso 7, 2023.
Matod pa ni FO3 Emerson Arceo, imbestigador sa Cebu City Fire Office nga pito ka mga balay ang hingpit nga naugdaw sa sunog sa Guadalupe, samtang laing duha ang partially burned, nga nakaapekto sa 11 ka pamilya o 48 ka indibidwal.
Matud usab sa imbestigador nga usa ka 63-anyos nga babaye nga senior citizen ang namatay tungod sa cardiac arrest atol sa sunog nga giila nga si Fe Gabutan.
Giingong gidala siya sa tambalanan apan nakabsan sa gihapon kini sa iyang kinabuhi.
Gisusi pa sa mga otoridad sa kabomberohan ang hinungdan sa sunog, apan unang natala ang alarma sa sunog sa usa ka balay nga gipanag-iya ni Christopher Gabutan.
Gikataho ang unang alarma alas 11:25 sa buntag. Gideklarar kini nga fire under control alas 11:37 sa buntag. ug sunog alas 11:45 sa buntag.
