CARCAR CITY,CEBU-Mipadayag ug kabalaka ang mga negosyante sa dakbayan sa Carcar human sa pag-deklarar ug outbreak sa African Swine Flu (ASF) sa ilahang lugar.
Kini ang gipahibalo ni Carcar City Mayor Patrick Barcenas human niini nga gipundok ang tanang mga nag-negosyo ug baboy sa dakbayan.
Matud sa mayor nga iyahang gipasabot ang maong mga negosyante sa ilahang sitwasyon ug gikinahanglan nga musubay sa mga lagda arun nga malikay sa pagkatap sa maong sakit.
Sigon pa, dili na kini sila magpasagad ug dawat ug baboy diin gikinahanglan nga ang mga ihawon kadtong adunay mga dokumento nga nasusi na kini sa doctor.
Gihimug-atan ni Mayor Barcenas nga istrikto nga sundon sa dakbayan ang lagda ni Cebu Provincial Governor Gwendolyn Garcia kalabot na sa dili una pagpagawas ug mga baboy ubos sa hurisdiksyon sa probinsiya sa Sugbo.
